USAID-ის ენერგეტიკული მომავლის უზრუნველყოფის პროგრამის ფარგლებში კერძო სექტორისთვის ენერგეტიკული საპილოტე პროექტების კონკურსი მიმდინარეობს.
პროგრამის ფარგლებში შეირჩევა და დახმარება გაეწევა ისეთი საპილოტე პროექტების განხორციელებას, რომელიც ხელს შეუწყობს მცირე და საშუალო ზომის მეწარმეებს ადგილობრივი განახლებადი ენერგიის წყაროების განვითარებით და ენერგოეფექტური ტექნოლოგიების დანერგვით წარმოების ხარჯები შეამცირონ.
ამ თემაზე ევრონიუს ჯორჯიას ეთერში USAID-ის ენერგეტიკული მომავლის უზრუნველყოფის პროგრამის ხელმძღვანელმა საქართველოში, რობ ტეილორმა და ამავე პროგრამის ენერგეტიკაში ინვესტიციების ხელშეწყობის მიმართულების ხელმძღვანელმა, თამარ მურცხვალაძემ ისაუბრეს.
