თელ-ავივში საპროტესტო აქციაზე ასობით ქალი გამოვიდა. მათ ისრაელ-ჰამასის ომში მძევლად აყვანილი 240 ადამიანის ფოტოები გამოიტანეს და ცოცხალი ჯაჭვის მეშვეობით გააპროტესტეს ცხელ წერტილში მიმდინარე მოვლენები
აქცია ქალთა უფლებების დამცველი ჯგუფის ,,Bonot Alternativa’’-ს მიერ იყო ორგანიზებული.
עמדנו יחד היום, נשים למען האחיות שלנו, למען האחים שלנו שנמצאים בשבי החמאס.
אנחנו נעשה הכל כדי שתחזרו הביתה.
עכשיו. הםן צריכים וצריכות לחזור הביתה עכשיו. pic.twitter.com/iyRvnIfVHm— Bonot Alternativa בונות אלטרנטיבה (@BonotAlt) November 12, 2023
ცოცხალი ჯაჭვის შემდეგ ისინი შეუერთდნენ საერთო აქციას, რომელიც მძევლების ოჯახების მხარდასაჭერად გაიმართა.
,,მთელი მსოფლიო უნდა დავარწმუნოთ, რომ გატაცებული მოქალაქეები უდანაშაულოები არიან. უნდა ვიჩქაროთ, ყოველი წამი მნიშვნელოვანია. ჩვენც, მშვიდობიანი მოქალაქეებიც, ძალიან დიდ საფრთხეში ვართ. საკუთარ სახლშიც კი არ ვართ უსაფრთხოდ. შეხედეთ მათ, თითოეული მათგანი უდანაშაულო ანგელოზია. ისინი არაფერ შუაში არიან ამ სისხლიან დაპირისპირებაში’,’-ამბობს ლიატ სუსანა, გატაცებულის და.
ისრაელმა განაგრძო ღაზის სექტორის დაბომბვა და ჩაერთო ურბანულ ბრძოლებში ანკლავის ჩრდილოეთით.
ღაზის ჯანდაცვის სამინისტროს ცნობით, „ჰამასის“ მიერ კონტროლირებად ტერიტორიაზე ომის დაწყების შემდეგ 11,070-ზე მეტი პალესტინელი დაიღუპა, მათგან ორი მესამედი ქალი და არასრულწლოვანია.
ღაზის ჯანდაცვის სამინისტრო ერთადერთი ოფიციალური წყაროა, რომელიც ღაზის სექტორში მსხვერპლის შესახებ აქვეყნებს ინფორმაციას.
წინა ომებში სამინისტროს ანგარიშებმა გაუძლო გაეროს შემოწმებას, დამოუკიდებელ გამოძიებებს და ისრაელის შეფასებებსაც კი.
დაახლოებით 2700 ადამიანია უგზო-უკვლოდ დაკარგული. ისინი, სავარაუდოდ, ნანგრევების ქვეშ არიან მოყოლილი.
