ისრაელის თავდაცვის ძალებსა და “ჰამასს” შორის ომი გრძელდება. საბრძოლო მოქმედებების შედეგად უკვე ისრაელის არმიის 44 ჯარისკაცია დაღუპული, განადგურებულია “ჰამასის” კუთვნილი რამდენიმე ასეული კილომეტრი გვირაბი, სარაკეტო დანადგარები და სამეთაურო პუნქტები. ევროკავშირის წევრი სახელმწიფოების საგარეო საქმეთა მინისტრები კი ახლო აღმოსავლეთში მიმდინარე ომის დასრულების გზებზე ბრიუსელში მსჯელობენ.
ისრაელსა და “ჰამასს” შორის ომი უკვე 5 კვირაზე მეტია მიმდინარეობს.
ისრაელის არმიის იერიში ღაზის სექტორის ჩრდილოეთ ნაწილში მიმდინარეობს.
ისრაელის თავდაცვის ძალებმა ღაზის სექტორში “ჰამასის” კუთვნილ ინფრასტრუქტურაზე უკვე 4 300-ამდე იერიში მიიტანეს როგორც სამხედრო საჰაერო, ასევე სამხედრო სახმელეთო და საზღვაო ძალებით.
ისრაელელი ჯარისკაცების თავგანწირვის შედეგად განადგურებულია “ჰამასის” კუთვნილი გვირაბების 300 კილომეტრზე მეტი, 100-ამდე გამაგრებული შენობა და სამეთაურო პუნქტი.
What could these Hamas terrorists possibly be doing with an RPG at the Quds Hospital? pic.twitter.com/Ajpnz0Hf4Q
— Israel Defense Forces (@IDF) November 13, 2023
7 ოქტომბერს “ჰამასის” მიერ წამოწყებულ იერიშზე ისრაელის შეიარაღებული ძალების მიერ გაცემული პასუხი იმდენად დამანგრეველი აღმოჩნდა, რომ ადგილობრივი მოსახლეობის ორმა მესამედმა ღაზის სექტორი დატოვა.
ისრაელის არმიამ “ჰამასის” წინააღმდეგ ბრძოლაში ამ ეტაპზე 44 ჯარისკაცი დაკარგა.
ბრიუსელში ევროკავშირის წევრი სახელმწიფოების საგარეო საქმეთა მინისტრები კი ახლო აღმოსავლეთში კონფლიქტის შეჩერების გზებზე მსჯელობენ.
ჟოზეფ ბორელი, საგარეო და უსაფრთხოების საკითხებში ევროკავშირის უმაღლესი წარმომადგენელი: “ევროკავშირის წევრი 27-ვე სახელმწიფო მხარს უჭერს სამხედრო მოქმედებების დაუყოვნებლივ შეჩერებას. საჭიროა მყარი მშვიდობა, დროებითი ზავი და ჰუმანიტარული პაუზა არ კმარა. ისრაელს ვთხოვთ თავშეკავებას, ამ გზით მეტი მშვიდობიანი მოქალაქე გადარჩება. ამავე დროს ვგმობთ “ჰამასის” მიერ მშვიდობიანი მოსახლეობის ფარად გამოყენებას”.
We call on Hamas to immediately & unconditional release all hostages.
We condemn the use of hospitals and civilians as human shields by Hamas.Civilians must be allowed to leave the combat zone. Hostilities are severely impacting hospitals & taking a horrific toll on civilians.
— Josep Borrell Fontelles (@JosepBorrellF) November 12, 2023
ანალენა ბაერბოკი, გერმანიის ფედერაციული რესპუბლიკის საგარეო საქმეთა მინისტრი: “მე მესმის იმ ადამიანების, ვინც ცეცხლის შეწყვეტას დაუყოვნებლივ მოითხოვენ. აუცილებელია მშვიდობისა და სტაბილურობის უზრუნველყოფა, ბევრი მეკითხება, თუ როგორ შეიძლება ცეცხლის შეწყვეტაზე საუბარი ახლა, როდესაც ისრაელის უსაფრთხოება გარანტირებული არ არის, მე როგორც გერმანიის ფედერაციული რესპუბლიკის საგარეო საქმეთა მინისტრი ვაცხადებ, რომ მშვიდობას და ჰუმანიტარული დახმარების გაწევას ალტერნატივა არ გააჩნია”.
ამერიკის შეერთებული შტატების დიპლომატიური ძალისხმევის შედეგად ისრაელის პოლიტიკური მეთაურობა სამხედრო ოპერაციის წარმოების პირობებში მცირე ჰუმანიტარული პაუზების დაშვებას დასთანხმდა, ამ გზით მოსახლეობას როგორც სამხედრო მოქმედებების სიმძიმის ცენტრის დატოვება, ასევე ეგვიპტიდან მომავალი მცირე ჰუმანიტარული დახმარების მიღება შეუძლია.
