ქვეყნის შიდა გადაყვანა-გადაზიდვაში ჩართული ძრავიანი სატრანსპორტო საშუალებებისთვის სიჩქარის შემზღუდველი მოწყობილობის მონტაჟი სავალდებულო გახდა.
რეგლამენტში ცვლილებები 2025 წლის 1 ივნისიდან M2, M3,N2 ან N3 კატეგორიების სატრანსპორტო საშუალებებს შეეხება. ინსპექტირების ორგანოს მოუწევს ტრანსპორტში სიჩქარის შემზღუდველი მოწყობილობის დარეგულირება იმგვარად, რომ სატრანსპორტო საშუალებების სიჩქარე არ აღემატებოდეს გზებზე გადაადგილებისას მაქსიმალურ დასაშვებ ზღვრებს.
ევრონიუს ჯორჯიას ეთერში ტრანსპორტისა და საგზაო უსაფრთხოების საკითხებში ექსპერტმა, ორგანიზაცია „პარტნიორობა საგზაო უსაფრთხოებისთვის“ თავმჯდომარემ გელა კვაშილავამ ისაუბრა.
