27 დღეა, რაც “ჰამასსა” და ისრაელის თავდაცვის ძალებს შორის ომი მიმდინარეობს. ისრაელის თავდაცვის ძალები მეტწილად სამხედრო საჰაერო ძალებით უტევენ ღაზის სექტორის ჩრდილოეთ ნაწილს, ისრაელის სამხედრო სახმელეთო ძალები კი იმავე მიდამოებში რეიდებს აწყობენ.
“ჰამასი” კი ძირითადად, სარაკეტო შეიარაღებით ცდილობს მტრის განადგურებას. ვითარება იძაბება საერთაშორისო თვალსაზრისითაც, დემოკრატიული დასავლეთი ისრაელს უჭერს მხარს, გლობალური სამხრეთი კი მეტწილად პალესტინის პოზიციებს იზიარებს.
ისრაელის თავდაცვის ძალები ღაზის სექტორში სამხედრო საჰაერო და სახმელეთო ჯარებით იბრძვიან.
ისრაელის ხელისუფლების წარმომადგენელთა თქმით, მათი მიზანი “ჰამასის” თავიდან ბოლომდე მოსპობაა.
“We are fighting in the name of the sanctity of life, against an enemy whose flag represents death and destruction. We fight as a powerful military, with a sharp moral compass. We are fighting for the values of justice and morality upon which the country was established, against… pic.twitter.com/xz8tCZ74Gc
— Israel Defense Forces (@IDF) November 2, 2023
7 ოქტომბერს “ჰამასსა” და ისრაელს შორის დაწყებული ომი ორ მხარეს შორის აქამდე მომხდარ 5 კონფლიქტს შორის ყველაზე მასშტაბური და სისხლიანია.
ისრაელის თავდაცვის ძალების სახმელეთო ჯარებმა ღაზის სექტორის ჩრდილოეთ ნაწილში “ჰამასის” მიერ მოწყობილი თავდაცვითი ზღუდე გაარღვიეს.
01 NOV #Iran Update covering the #IsraelHamasWar w/ @criticalthreats: https://t.co/q0XXF6rYIt
Gaza Strip
Lebanese #Hezbollah-affiliated al Mayadeen reported that an Israeli armored unit advanced from the northwestern #Gaza Strip south along the coast.
Axis of Resistance and… pic.twitter.com/mD07bJvr94
— Institute for the Study of War (@TheStudyofWar) November 2, 2023
ისრაელმა “ჰამასის” წინააღმდეგ ბრძოლაში ამ ეტაპისთვის 332 ჯარისკაცი დაკარგა.
დანიელ ჰაგარი, ისრაელის თავდაცვის ძალების პრესმდივანი: “ისრაელის თავდაცვის ძალები ღაზის სექტორში წინ მიიწევენ, ტერორისტული დაჯგუფება “ჰამასის” წინააღმდეგ ბრძოლა გრძელდება, ღამის საათებში ბევრი ტერორისტია განადგურებული, ჩვენი სახმელეთო შენაერთები სამხედრო საჰაერო ძალებთან კოორდინაციით მოქმედებენ, გრძელდება ტერორისტული დაჯგუფება “ჰამასის” სამხედრო შესაძლებლობების დეგრადაცია.
გარღვეულია “ჰამასის” თავდაცვითი ზღუდეები ჩრდილოეთით, რეგიონის რამდენიმე მიდამოს უკვე სრულიად აკონტროლებს ჩვენი არმია, სამხედრო მოქმედებების მასშტაბს ვზრდით და წინ მივიწევთ”.
ღაზის სექტორის სამხრეთ ნაწილში მდებარე რაფას სასაზღვრო პუნქტის გავლით ადგილობრივი მოსახლეობისთვის ჰუმანიტარული დახმარების მიწოდება გრძელდება.
ისრაელსა და “ჰამასს” შორის მიმდინარე ომის შედეგად დაღუპული ადამიანების რიცხვი იზრდება.
პალესტინური მხარის ცნობით, დაღუპულია 9 ათასზე მეტი ადამიანი. დასავლეთ სანაპიროზე კი 130 პალესტინელია დაღუპული.
ისრაელში “ჰამასმა” 1400 ადამიანი მოკლა, ისრაელის 200-ზე მეტი მოქალაქე კი ტყვედ გაიტაცა.
