უნგრეთის პრემიერ-მინისტრი ვიქტორ ორბანი ევროკავშირს აკრიტიკებს
ორბანმა ევროკავშირში გაწევრება საბჭოთა ოკუპაციას შეადარა. ვიქტორ ორბანის აზრით, ევროკავშირი ცდილობს, უნგრეთს იდენტობა ჩამოართვას ლიბერალური დემოკრატიის მოდელის დაწესებით, რომელსაც უნგრელები ეწინააღმდეგებიან. მისი თქმით, მოსკოვი ტრაგედია იყო, ბრიუსელი კი – უბრალოდ თანამედროვე „ცუდი პაროდიაა“.
,,ჩვენ უნდა გვეცეკვა იმ მელოდიაზე, რომელსაც მოსკოვი უკრავდა. ბრიუსელიც უკრავს თავის მელოდიას, თუმცა მხოლოდ მაშინ ვცეკვავთ, როცა გვინდა“,- განაცხადა უნგრეთის პრემიერ-მინისტრმა ვიქტორ ორბანმა.
ვიქტორ ორბანი ევროკავშირში რუსეთის პრეზიდენტის ვლადიმერ პუტინის ერთადერთ მოკავშირედ მიიჩნევა. მის წინააღმდეგ ქუჩაში ათასობით მოქალაქე გამოვიდა.
Hungary’s leader chooses to stand with a man whose forces are responsible for crimes against humanity in Ukraine, and alone among our Allies. While Russia strikes Ukrainian civilians, Hungary pleads for business deals. pic.twitter.com/Rsjwdm1oUu
— Ambassador David Pressman (@USAmbHungary) October 17, 2023
ბუდაპეშტში გამართულ დემონსტრაციაზე მისი მთავრობის პოლიტიკა და რუსეთთან ურთიერთობა გააკრიტიკეს.
აქციის მონაწილენი ღელავენ, რომ ორბანის პოლიტიკის გამო უნგრეთმა შესაძლოა, დატოვოს ევროკავშირი.