ათასწლეულის გამოწვევის კორპორაციის პროგრამის შედეგად, საქართველოს სახელმწიფო უნივერსიტეტების საბაკალავრო პროგრამებმა ამერიკული აკრედიტაცია მიიღო. ათასწლეულის ფონდში აცხადებენ, რომ კომპაქტის ფარგლებში გაუმჯობესდა სახელმწიფო უმაღლესი საგანმანათლებლო დაწესებულებების მატერიალურ-ტექნიკური ბაზა, აშენდა და აღიჭურვა ახალი ლაბორატორიები. ასევე საინჟინრო და საბუნებისმეტყველო პროგრამების 100-ზე მეტი პროფესორი ამერიკაში, სან დიეგოს სახელმწიფო უნივერსიტეტში პროფესიული განვითარების მიზნით გაიგზავნა.
ამ თემაზე ევრონიუს ჯორჯიას ეთერში ათასწლეულის ფონდის აღმასრულებელმა დირექტორმა მაგდა მაღრაძემ ისაუბრა.
