მსოფლიო ლიდერები ისრაელსა და პალესტინას სიმშვიდისკენ მოუწოდებენ. თურქეთი მზადაა, გააძლიეროს დიპლომატიური ძალისხმევა. როგორც თურქეთის პრეზიდენტმა რეჯეფ ტაიფ ერდოღანმა განაცხადა, გრძელვადიანი რეგიონული მშვიდობა მხოლოდ პალესტინა-ისრაელის საკითხის საბოლოო გადაწყვეტით იქნება შესაძლებელი. დიდი ბრიტანეთის პრემიერ-მინისტრი რიში სუნაკი სოლიდარობას უცხადებს ისრაელს და ამბობს, რომ ბრიტანეთი ერთმნიშვნელოვნად უჭერს მხარს ისრაელს, ხოლო ის ადამიანები, რომლებიც მხარდაჭერას „ჰამასს“ უცხადებენ, პასუხისმგებელნი არიან ამ შემზარავ ტერორისტულ აქტზე. ისრაელზე ტერორისტულ თავდასხმებს გამოეხმაურა აშშ-ის პრეზიდენტი ჯო ბაიდენიც. მისი თქმით, შეერთებული შტატები მზადაა, ისრაელის მთავრობასა და ხალხს მხარდაჭერის ყველა საშუალება შესთავაზოს.
