ისრაელის პრემიერ-მინისტრი ბენიამინ ნეთანიაჰუ აცხადებს, რომ მისი ქვეყანა ომშია „ჰამასის“ დაჯგუფებასთან. მან დღეს საზოგადოებას ტელევიზიით მიმართა. „ჩვენ ომში ვართ“, – განაცხადა ნეთანიაჰუმ. „არავითარი ოპერაცია, არავითარი რაუნდი, ეს ომია“. პრემიერმა ასევე დაავალა სამხედროებს, გაასუფთაონ ქალაქები „ჰამასის“ დაჯგუფების წევრებისგან. ამავდროულად ისრაელმა დაიწყო საჰაერო დარტყმა ღაზის სექტორის მიმართულებით.
#BREAKING Israeli military radio is reporting that Palestinian fighters have quote ‘infiltrated’ various areas from Gaza into Israel. #Israeli occupation forces and their settlers. #AlMayadeen #Palestine #Gaza #AlAqsaFlood #طوفان_الأقصى #IsraelUnderAttack #IndiaWithIsrael pic.twitter.com/Qo4bHDRGSs
— Vikas Bailwal (@VikasBailwal4) October 7, 2023
„ათობით საბრძოლო თვითმფრინავი ახლა თავს ესხმის „ჰამასის“ ტერორისტული ორგანიზაციის პოზიციებს“, – ნათქვამია ისრაელის არმიის განცხადებაში.
შაბათს დილით, პალესტინელი სამხედროები შეიჭრნენ სამხრეთ ისრაელის ტერიტორიის სიღრმეში და ათასობით რაკეტა გაუშვეს ისრაელის მიმართულებით. სარაკეტო დარტყმა რამდენიმე ადგილიდან ერთდროულად დაიწყო, დაახლოებით დილის 6:30 სთ-ზე, ადგილობრივი დროით. განგაშის სიგნალი ისრაელში მყისიერად ჩაირთო, მოქალაქეებს მოუწოდებდნენ თავშესაფარში გადასვლისკენ. დაჯგუფება „ჰამასმა“ კი, რომელიც ღაზის სექტორს 2007 წლიდან აკონტროლებს, განაცხადა, რომ მათ დაიწყეს ოპერაცია „ალ-აქსა წარღვნა“.
Israel’s Iron Dome active against rockets fired from the territory of the Gaza Strip. pic.twitter.com/MdoMkKAaBS
— Clash Report (@clashreport) October 7, 2023
ისრაელის მედია ავრცელებს ცნობებს, რომ დაღუპულია 6 პირი, ასობით ადამიანი კი დაჭრილია.