მას შემდეგ, რაც აზერბაიჯანმა სეპარატისტული ტერიტორიის კონტროლის მიზნით შეტევა დაიწყო, ეთნიკური სომეხი დევნილები მთიან ყარაბაღს ტოვებენ და სომხეთში ჩადიან.
რამდენიმე ათეული მოქალაქე, რომელთა შორის ძირითადად ქალები, ბავშვები და მოხუცები არიან, უკვე მივიდა სომხეთის მთავრობის მიერ შექმნილ მიმღებ ცენტრში.
სომხეთში გადასვლამდე ათასობით ადამიანი ბრძოლის შედეგად დაზარალებული ქალაქებიდან და სოფლებიდან მთიან ყარაბაღში რუსი სამშვიდობოების ბანაკში გადაიყვანეს.
აზერბაიჯანმა ამ კვირის დასაწყისში დაიბრუნა დაახლოებით 120 000 ეთნიკური სომეხით დასახლებული ტერიტორია და განაცხადა, რომ სურს მათი, როგორც “თანასწორი მოქალაქეების”, ინტეგრაცია.
აზერბაიჯანული სამხედროები აცხადებენ, რომ მიმდინარეობს დემილიტარიზაციის პროცესი.
სომხეთის მხარე აცხადებს, რომ ათასობით ადამიანი საკვებისა და თავშესაფრის გარეშეა და სარდაფებში, სკოლის შენობებსა და ღია ცის ქვეშ სძინავს.
