პროექტის „ინოვაციები კურიკულუმში სოციალური ჩართულობის მხარდასაჭერად“ ფარგლებში თბილისში, გუშინ საინფორმაციო შეხვედრა გაიმართა. მას ადგილობრივი თვითმმართველობის, სამოქალაქო საზოგადოების, სკოლების, პროფესიული სასწავლებლებისა და სკოლამდელი დაწესებულებების წარმომადგენლები ესწრებოდნენ.
შეხვედრის მიზანი იყო გაზრდილიყო ცნობიერება საგანმანათლებლო სისტემაში მრავალფეროვანი ჯგუფების წარმომადგენელი სტუდენეტების, აკადემიური და ადმინისტრაციული პერსონალის ჩართულობისა და თანამონაწილეობისთვის თანასწორი პირობების შექმნის მნიშვნელობაზე.
ამ თემაზე “ევრონიუს ჯორჯიას” ეთერში პროფესორმა, თსუ-ს ფსიქოლოგიისა და განათლების მეცნიერებათა ფაკულტეტის დეკანმა, თამარ გაგოშიძემ და პროექტის მენეჯერმა, თამარ მახარაძემ ისაუბრეს.
