საქართველოში ფერმერები, რომლებიც ხორბალს აწარმოებენ, მოსავლის დიდი ნაწილის რეალიზაციას კვლავ ვერ ახერხებენ და აცხადებენ, რომ წისქვილკომბინატები ხორბალს იმ ფასად არ იბარებენ, როგორც ეს მთავრობასთან მიღწეული შეთანხმებით იყო გათვალისწინებული. არც ხორბალს იბარებენ წისქვილში 70 თეთრად და არც პურის ქარხნები იხდიან ერთ ტომარა ფქვილში 52 ლარს. არადა ეს შეთანხმება სწორედ ამას ითვალისწინებდა. შეთანხმების დარღვევაში მხარეები ერთმანეთს ადანაშაულებენ – ფერმერები ფქვილის მწარმოებლებს, ფქვილის მწარმოებლები კი თავის მხრივ მეპურეებს.
ამ თემაზე “ევრონიუს ჯორჯიას” ეთერში საქართველოს ხორბლისა და ფქვილის მწარმოებელთა ასოციაციის აღმასრულებელმა დირექტორმა, ლევან სილაგავამ ისაუბრა.
