დილით, 6 ივნისს ხერსონის ოლქის სამხედრო ადმინისტრაციამ გაავრცელა ცნობა, რომ რუსეთის შეიარაღებულმა ძალებმა ააფეთქეს კახოვკის ჰიდროელექტროსადგური კაშხალი.
უკრაინის უშიშროების საბჭოს თავმჯდომარე ოლექსეი დანილოვი ოფიციალურ ტვიტერზე წერს, რომ უკრაინის პრეზიდენტმა ვოლოდიმერ ზელენსკიმ უსაფრთხოების საბჭოს საგანგებო სხდომა მოიწვია.
ხერსონის ოლქის სამხედრო ადმინისტრაციის ცნობით, პოლიციასა და საგანგებო სიტუაციების სამსახურში განგაში გამოცხადდა და მათ დაევალათ პოტენციური დატბორვის ზონაში მდებარე დასახლებული პუნქტებიდან მოქალაქეების ევაკუაცია.
ამ ზონაში შედის 10 სოფელი და ქალაქ ხერსონის ნაწილი.
ხერსონის ოლქის ქალაქი მოვა კახოვკა მდებარეობს მდინარე დნეპრის მარცხენა ნაპირზე, რომელიც ამჟამად რუსეთის მიერაა ოკუპირებული. დნეპრის მარჯვენა ნაპირი, მათ შორის ქალაქი ხერსონი უკრაინის ხელისუფლების კონტროლქვეშაა.
Ukraine's Southern Operational Command reported early on June 6 that Russian forces blew up the Kakhovka Hydroelectric Power Plant.
"The scale of the destruction, the speed and volumes of water, and the likely areas of inundation are being clarified," the military said on their… pic.twitter.com/xIAEivrOTq
— The Kyiv Independent (@KyivIndependent) June 6, 2023
თანამგზავრიდან გადაღებულ ფოტოს აქვეყნებს სააგენტო Reuters-ი. სააგენტო წერს, რომ საბჭოთა ეპოქის უზარმაზარი კაშხალი ააფეთქეს. უკრაინა და რუსეთი აფეთქებაში ერთმანეთს სდებს ბრალს. რუსეთის მიერ დანიშნული ხელმძღვანელი ხერსონის ოლქიდან აცხადებს, რომ უკრაინელების სროლების შედეგად, განადგურდა სადგურის მხოლოდ ზედა ნაწილი და არა თავად კაშხალი.
A vast Soviet-era dam in the Russian controlled part of southern Ukraine was blown, unleashing a flood of water across the war zone, according to both Ukrainian and Russian forces. Both sides blamed the other for destroying the dam https://t.co/Iq62asPtDZ pic.twitter.com/4CSDkMqssV
— Reuters (@Reuters) June 6, 2023
