შობადობის მაჩვენებლებზე ზემოქმედების მცდელობები ძალიან ხშირად არაეფექტურია და, გარდა ამისა, ქალთა უფლებების შელახვის რისკს შეიცავს – ნათქვამია მსოფლიო მოსახლეობის მდგომარეობის შესახებ ანგარიშში, რომელიც გაეროს მოსახლეობის ფონდმა გამოაქვეყნა.
ანგარიში მოუწოდებს პოლიტიკოსებსა და მედიას, თავი შეიკავონ მოსახლეობის რაოდენობის ზრდასა და კლებასთან დაკავშირებული საკითხების გაზვიადებისაგან და ნაცვლად იმისა, რომ დასვან კითხვა მოსახლეობის რეპროდუქციის ტემპთან დაკავშირებით, ყურადღება გაამახვილონ კითხვაზე, თუ რამდენად თავისუფლად შეუძლიათ ადამიანებს, განსაკუთრებით ქალებს, გააკეთონ საკუთარი რეპროდუქციული არჩევანი.
ამ თემაზე “ევრონიუს ჯორჯიას” ეთერში გაეროს მოსახლეობის ფონდის საქართველოს ოფისის ხელმძღვანელმა, ლელა ბაქრაძემ ისაუბრა.
