პარლამენტის წინ რუსთაველის გამზირზე საავტომობილო გზა გადაიკეტა. საკანონმდებლო ორგანოსთან იკრიბებიან აქციის მონაწილეები. „ნაციონალური მოძრაობის“ დაგეგმილი აქცია სლოგანით – „ერთად ევროპაში“ 18:00 საათზე დაიწყება.
პარლამენტის წინ მოწყობილია სცენა. იგეგმება სიტყვით გამოსვლები.
„ნაციონალური მოძრაობის“ ახალგაზრდული ფრთის წარმომადგენლები აქციას მსვლელობით შეუერთდებიან.
ადგილზე მობილიზებულია პოლიცია.
