26 მარტს უკრაინელი ობლად დარჩენილი ბავშვების დასახმარებლად თბილისში საქველმოქმედო კონცერტი გაიმართება.
დასავლეთ უკრაინიაში, ივანო-ფრანკოს რეგიონში ბანაკ „ზოლოტა გენერაცია“-ში 419 ბავშვია, რომლებსაც არსად აქვთ წასასვლელი, მათ რუსეთ-უკრაინის ომში მშობლები დაკარგეს ან მათი მშობელი ახლა ომში იბრძვის. საქველმოქმედო კონცერტში ქართველი და უკრაინელი შემსრულებლები მიიღებენ მონაწილეობას.
„ევრონიუს ჯორჯიას” ეთერში კონცერტის ერთ-ერთმა ორგანიზატორმა თამუნა ფოფხაძემ ისაუბრა.
