ჩრდილოეთ კორეამ, სამხრეთ კორეისა და შეერთებული შტატების ერთობლივი სამხედრო წვრთნების დაწყებამდე, წყალქვეშა ნავიდან ორი სტრატეგიული საკრუიზო რაკეტა გამოსცადა.
ფხენიანში აცხადებენ, რომ გამოცდა ადასტურებს ქვეყნის წყალქვეშა ქვედანაყოფების საბრძოლო მზადყოფნასა და სანდოობას, რომლებიც მისი ბირთვული შეკავების ნაწილს წარმოადგენენ.
ქვეყნის ლიდერმა კიმ ჩენ ინმა ამის შესახებ თავის გენერლებთან შეხვედრის დროს განაცხადა.
სამხრეთ კორეისა და შეერთებული შტატების ერთობლივ წვრთნებს იგი სერიოზულ საფრთხედ მიიჩნევს, თუმცა მოკავშირეები ამბობენ, რომ წვრთნები თავდაცვითი ხასიათისაა.
