მოსახლეობის დაბერება 21-ე საუკუნის ერთ-ერთი მთავარი გამოწვევაა, რომლის წარმატებით გადასაჭრელად, მნიშვნელოვანია საჯარო პოლიტიკა პასუხობდეს და ითვალისწინებდეს ხანდაზმულთა საჭიროებებსა და მათ უფლებებს – ეს იყო ერთ-ერთი მთავარი გზავნილი თბილისში გამართულ სამუშაო შეხვედრაზე სახელწოდებით „დაბერების მეინსტრიმინგი საჯარო სექტორში“.
შეხვედრა გაეროს მოსახლეობის ფონდის საქართველოს ოფისის ორგანიზებით ჩატარდა. რა არის დაბერების საკითხებთან დაკავშირებული ძირითადი პრობლემები დღეს საქართველოში და რა საპასუხო ღონისძიებები უნდა ჩატარდეს ამ გამოწვევების აღმოსაფხვრელად – ამ თემაზე “ევრონიუს ჯორჯიას” ეთერში გაეროს მოსახლეობის ფონდის საქართველოს ოფისის ხელმძღვანელმა, ლელა ბაქრაძემ ისაუბრა