ბოლო რამდენიმე წელია მსოფლიოს მასშტაბით საინფორმაციო ტექნოლოგიების სპეციალისტებზე მოთხოვნა მკვეთრად გაიზარდა.
გლობალური დასაქმების ბაზარი მუდმივად ითხოვს ტექნოლოგიური მიმართულებით კვალიფიციურ კადრებს.
ეს ტენდენცია შეინიშნება საქართველოშიც, თუმცა როგორც სპეციალისტები ამბობენ ტექნოლოგიური პროფესიები ქვეყანაში ჯერჯერობით სათანადოდ არ არის ათვისებული და ამ მხრივ საკადრო დეფიციტია.
USAID-ის მხარდაჭერით, აქსელერაციის ანაზღაურებადი პროგრამა დაიწყო, რომელიც უკვე იღებს მეხუთე ნაკადს. ეს პროგრამა მონაწილეებს საშუალებას მისცემს, მიიღონ და გაიღრმავონ ცოდნა აიტი და ციფრული მარკეტინგის მიმართულებით. სწავლის დასრულების შემდეგ კი დასაქმდნენ.
„ეს ძალიან კარგი შესაძლებლობაა საქართველოსთვის, რადგან მსგავსი ტრენინგები შექმნის სამუშაო ადგილებს, რომლის კურსდამთავრებულებსაც შეეძლებათ მარტივად მოიძიონ მაღალანაზღაურებადი სამსახური. ეს ადამიანები მუშაობენ სპეციფიკური, კონკრეტულად ციფრული ტექნოლოგიების მიმართულებით. ისინი ქმნიან გრაფიკას, დიზაინს, მუშაოებენ ვებგვერდებზე, იძენენ ტექნიკურ უნარჩვევებს. საბოლოო ჯამში ეს ყველაფერი მათ დაეხმარებათ წარმატებული კარიერის შექმნაში. იუსეიდი უკვე 30 წელია, რაც საქართველოს მხარს უჭერს ეკონომიკის გაძლიერებაში, საინფორმაციო ტექნოლოგიების განვითარებას კი ეკონომიკის გაძლიერებაში მნიშვნელოვანი წვლილი შეაქვს“, – განაცხადა მარიკა ოლსონმა, USAD-ის ეკონომიკური ოფისის დირექტორმა საქართველოში
“აქსელერაციის პროგრამის მიზანია ტექსფეროსა და ციფრული მარკეტინგის სფეროში კადრების კვალიფიკაციის ამაღლება. შემდეგ ხდება ამ კადრების „სვიფტში“ დასაქმება საერთაშორისო პროექტებზე და მაღალანაზღაურებად სამსახურებზე”, – განაცხადა „სვიფტის“ აღმასრულებელმა დირექტორმა, გიორგი მარიამიძემ
„როგორც ვიცით ტექმიმართულება ძალიან პოპულარულია. დღეს ბაზარზე არის უზარმაზარი მოთხოვნა და საკმაოდ დეფიციტურია ბაზარი ამ მიმართულებით. ამიტომ, „სვიფტის“ ეს ინიციატივა გადაამზადოს მომავალი დეველოპერები და მარკეტერები ემსახურება სწორედ ბაზარზე ამ დეფიციტის შევსებას“, – ამბობს ნათია გაფრინდაშვილი, აქსელერაციის პროგრამის მენეჯერი
