გაერთიანებული სამეფოს მთავრობის ფინანსური მხარდაჭერით, ვესტმინსტერის დემოკრატიის ფონდმა გარემოსდაცვითი ინფორმაციისა და განათლების ცენტრთან თანამშრომლობით, გარემოსდაცვითი დემოკრატიის პირველი ქართულენოვანი ელექტრონული სასწავლო კურსი შექმნა.
კურსი ამ ეტაპზე ორი მოდულისაგან შედგება და მიზნად ისახავს გარემოსდაცვითი დემოკრატიის, ანგარიშვალდებულების და სამოქალაქო ჩართულობის ხელშეწყობას გარემოსდაცვითი და კლიმატის ცვლილებასთან დაკავშირებული გადაწყვეტილების მიღების პროცესებში.
ამ თემაზე “ევრონიუს ჯორჯიას” ეთერში ვესტმინსტერის დემოკრატიის ფონდის წარმომადგენლობის ხელმძღვანელმა საქართველოში, ლაშა ნაკაშიძემ ისაუბრა.
