სამტრედიაში ველოსიპედი პოპულარული ტრანსპორტია… როცა აქაურები ქალაქის ცენტრში, ბაზარსა თუ სხვა საქმეზე წასვლას, ავტომობილის ნაცვლად, ველოსიპედით არჩევენ, ალბათ სულაც არ ფიქრბენ იმაზე, თუ რა მნიშვნელოვან საქმეს აკეთებენ. არადა, ამ უბრალო გადაწყვეტილებით ისინი დაახლოებით 70 პროცენტამდე ამცირებენ ატმოსფეროში ერთი ადამიანის წილი ნახშიროჟანგის ემისიას.
კლიმატმეგობრული ცხოვრების წესის დაცვა შესაძლოა არ იყოს იოლი – მოსახლეობის უმრავლესობისთვის ასე ცხოვრება ხშირად ფუფუნებაა. მაგრამ ერთჯერადი პარკის, წყლის ბოთლის ან კონტეინერის ნაცვლად, მრავალჯერადი ნივთების გამოყენება ნამდვილად შესაძლებელია.
