ამერიკელი მსახიობი ტომ კრუზი ჰოლივუდის ისტორიაში ყველაზე მასშტაბურ და საშიშ ტრიუკს აკეთებს.
ახალი “შეუსრულებელი მისიისთვის” ის მოტოციკლეტით კლდიდან გადახტა.
„ეს ყველაზე საშიში ტრიუკია, რომელიც ოდესმე გაგვიკეთებია. წლებია, რაც ჩვენ ამაზე ვმუშაობთ. ახლა ნორვეგიაში ვიმყოფებით, სადაც კლდიდან მოტოციკლეტით გადავეშვები. ამის გაკეთება ბავშვობიდან მინდოდა. ეს ყველაფერი კი მაყურებლისთვისაა”, – ამბობს მსახიობი.
„ამ ილეთის დასამუშავებლად დიდი სამუშაო გავწიეთ. ტომმა სამუშაო გეგმა შეადგინა. იგი კასკადიორებთან და ექსპერტებთან ერთად მუშაობდა, რომ ეს ყველაფერი შესაძლებელი ყოფილიყო”, – ამბობს რეჟისორი კრისტოფერ მაკკუორი.
„შეუსრულებელი მისიის“ მეშვიდე ფილმისთვის ტომ კრუზმა ჰოლივუდის ისტორიაში ყველაზე მასშტაბურ და საშიშ ტრიუკს ასრულებს. ის მოტოციკლეტით კლდიდან ხტება. კინოსტუდია „პარამაუნტის“ მიერ გამოქვეყნებულ ვიდეოში ნაჩვენებია, თუ როგორ ემზადება კრუზი და მისი გუნდი ამ ტრიუკის შესასრულებლად. ჰოლივუდის მსახიობმა ყველა ნაბიჯი ზედმიწვნით უნდა შეასრულოს. ერთი შეცდომაც კი შეიძლება სავალალოდ აღმოჩნდეს. ტომ კრუზი კლდიდან მოტოციკლეტით ექვსჯერ გადმოხტა.
ფილმის „შეუსრულებელი მისია 7-ის“ გადაღება დასრულებულია. ფილმის პრემიერა 2023 წლის 14 ივლისს გაიმართება. ტომ კრუზი და მისი გუნდის წევრები კი „შეუსრულებელი მისიის“ მერვე ფილმზე მუშაობა უკვე დაიწყეს.
