Kings and Generals ერთ-ერთი უმსხვილესი ინგლისურენოვანი YouTube-არხია, რომელსაც 2.9 მილიონი გამომწერი ჰყავს. მათი ძირითადი მიმართულება, ისტორიის უმნიშვნელოვანესი ბრძოლების ანიმაციური ეკრანიზაციაა.
წლების განმავლობაში, არხის გამომწერები 1121 წლის დიდგორის ბრძოლის აღწერითი ვიდეოს დამზადებას თხოვდნენ. ვიდეოს შექმნა საქართველოს საზოგადოებრივი ინსტიტუტის დახმარებით შედგა.
არხის შემქმნელები თითქმის ერთი წლის განმავლობაში მუშაობდნენ საქართველოს საზოგადოებრივ საქმეთა ინსტიტუტთან და ქართველ ისტორიკოსთან ერთად, რათა დეტალურად და საინტერესო კუთხით ეჩვენებინათ საქართველოს ისტორიული ბრძოლა.
GIPA-ს საზოგადოებასთან ურთიერთობის ხელმძღვანელის კიწი ხარაბაძის თქმით, ამჟამად არხი თამარ მეფის მმართველობის პერიოდზე მუშაობს.
