აშშ და ნატოს წევრი სხვა ქვეყნები უკრაინას არტილერიასა და საბრძოლო მასალებს გადასცემენ, რომლებიც საბრძოლო პირობებში ძალიან მალე იხარჯება.
დასავლეთის ქვეყნების ჯარებში ჭურვების მარაგების შესამჩნევი შემცირებაა, რაც უკვე აღიარა არაერთმა ექსპერტმა და ლიდერმა, მათ შორის ევროკავშირის საგარეო პოლიტიკის ხელმძღვანელმა ჯოზეპ ბორელმა. ამის ფონზე პენტაგონმა ახალი საბრძოლო მასალების შეკვეთა დაიწყო. Reuters-ის ცნობით, კონტრაქტის მიხედვით, გაიხსნება 155 მმ კალიბრისთვის ლითონის ნაწილების ხაზი ტეხასში და ასევე ახალ ქარხანაში დამზადდება ლითონის ჭურვები.
