უკრაინის შეიარაღებულმა ძალებმა, უპილოტო მცურავი აპარატით სავარაუდოდ, რუსეთის შავი ზღვის ფლოტის სამხედრო გემს, „ადმირალ გრიგოროვიჩს“ შეუტიეს.
მოსაზრებას ამერიკის ომის კვლევის ინსტიტუტი გამოთქვამს და სოციალურ ქსელში ვიდეოს ავრცელებს, სადაც ჩანს „ადმირალ გრიგოროვიჩზე“ დარტყმის ამსახველი კადრები.
NEW: Likely #Ukrainian forces conducted an attack against a Grigorovich-class frigate of the Black Sea Fleet (BSF) near #Sevastopol with unmanned surface vehicles on October 29.https://t.co/pA5nWQLjTr pic.twitter.com/5EdgTl0dBY
— ISW (@TheStudyofWar) October 30, 2022
რუსეთის თავდაცვის სამინისტროში აცხადებენ, რომ ეს იყო „ტერორისტული თავდასხმა“.
ომის კვლევის ინსტიტუტი აღნიშნავს, რომ სამხედრო ხომალდები საომარი მდგომარეობის დროს მიიჩნევა ლეგიტიმურ სამიზნედ, შესაბამისად ისინი არ ეთანხმებიან რუსეთის თავდაცვის პოზიციას, რომ ეს შეიძლება შეფასდეს როგორც ტერაქტი.
აღსანიშნავია, რომ სევასტოპოლთან გემებზე განხორციელებულ შეტევაზე პასუხისმგებლობა უკრაინას არ აუღია.
