გუშინ თბილისმა სოციალური მომსახურების ეროვნულ კონფერენციას უმასპინძლა.
ღონისძიების მიზანი შშმ პირებისა და ხანდაზმულებისთვის სოციალური მომსახურების გაუმჯობესებისთვის შექმნილი ინოვაციური და საქართველოს რეალობისთვის უნიკალური გამოცდილების წარდგენა იყო.
საქართველოს სტრატეგიული კვლევებისა და განვითარების ცენტრის ინიციატივითა და ევროკავშირის მხარდაჭერით საქართველოში პირველად შეიქმნა „უფლებებზე დაფუძნებული სოციალური მომსახურების“ სახელმწიფო სტანდარტები, რომლის ელემენტებიც 7 მუნიციპალიტეტში, სოციალური მომსახურების მიმწოდებელ რვა ორგანიზაციაში საპილოტედ დაინერგა.
რას ეფუძნება ეს წამოწყება? ამ თემაზე “ევრონიუს ჯორჯიას” ეთერში საქართველოს სტრატეგიული კვლევებისა და განვითარების ცენტრის სოციალური მომსახურების განვითარების პროგრამის კოორდინატორმა, ზურაბ ტატანაშვილმა ისაუბრა
