უზბეკეთში შანხაის თანამშრომლობის ორგანიზაციის კონფერენცია გაიმართა. კონფერენციაზე უკრაინასა და ყარაბაღში მიმდინარე მოვლენები და ეკონომიკური საკითხები განიხილეს. ამავდროულად, რუსეთის წარმომადგენლები ჩინეთისგან უფრო მეტი მხარდაჭერის მოპოვებას ცდილობდნენ. ჩინეთთან ურთიერთობის გაღრმავებას ბელარუსის პრეზიდენტიც ცდილობს. როგორც ცნობილია, რუსეთმა სწორედ ამ ფორუმზე მოიპოვა დიდი მხარდაჭერა უკრაინაში შეჭრის გამო.
უზბეკეთმა უმასპინძლა შანხაის თანამშრომლობის ორგანიზაციის მიერ მოწყობილ კონფერენციას, ფორუმს, სადაც რუსეთმა ყველაზე დიდი მხარდაჭერა მოიპოვა უკრაინაში შეჭრის გამო. უდავოა, რომ ვლადიმერ პუტინი ჩინეთის მხარდაჭერის მოპოვებას ცდილობდა და ნაწილობრივ მიიღო კიდეც. ჩინეთის ლიდერმა აღნიშნა, რომ აუცილებელია ეროვნული სუვერენიტეტის პატივისცემა, ამავდროულად, პუტინი ცდილობდა, პარალელი გაევლო ტაივანსა და უკრაინას შორის, თუმცა ამ საკითხში მას ჩინეთის ლიდერი არ აჰყოლია.
რუსეთს სრულად უჭერენ მხარს ცენტრალური აზიის ქვეყნები, მათ შორის უზბეკეთი. ბელარუსი ერთ-ერთი ქვეყანაა, რომელიც რუსეთის მხარდაჭერის გამო ძლიერ დაზარალდა.
ბელარუსის ეკონომიკა, რუსეთის ეკონომიკასთან შედარებით, უფრო დასუსტებულია. ბელარუსის პრეზიდენტს ჩინეთის ლიდერთან შეხვედრა სურდა, რათა ახალი გზები მოეძიებინა თავისი ქვეყნის ეკონომიკის აღსადგენად. ჩინეთი რუსეთისთვის ერთ-ერთი ყველაზე მნიშვნელოვანი საყრდენია, რომ დასავლეთმა მოსკოვი სანქციებით არ დაასუსტოს.
კონფერენციაზე ასევე იმსჯელეს იმ გარანტიებზე, რომლებითაც თავიდან უნდა იქნეს აცილებული მთიანი ყარაბაღის კონფლიქტის შემდგომი ესკალაცია.
აზერბაიჯანის პრეზიდენტი ილჰამ ალიევი თურქეთის პრეზიდენტს რეჯეფ თაიფ ერდოღანს შეხვდა. გასული დღეების განმავლობაში, 2020 წლის შემდეგ, სომხეთსა და აზერბაიჯანს შორის ყველაზე სისხლიანი შეტაკებები გაიმართა. ამასთანავე, უკრაინაში მიმდინარე ომის პარალელურად, ორივე ქვეყნის მთავარ მოკავშირეებს, რუსეთსა და თურქეთს, არ სურთ კონფლიქტის უფრო მეტად გამწვავება.
