საქართველოში კვლავ დიდი გამოწვევაა ქალთა რეგულარული პროფილაქტიკური კვლევების კულტურა. განსაკუთრებით პანდემიის შემდეგ, ძალიან შემცირებულია ამბულატორიული ვიზიტების რაოდენობა. ამაზე კვლევებიც მიუთითებენ. ჯანდაცვის მსოფლიო ორგანიზაცია განსაკუთრებულად ამახვილებს ყურადღებას ქალთა პროფილაქტიკურ კვლევებზე. პრობლემაა ქალთა სოციალური მდგომარეობაც, რაც დიდ დაბრკოლებებს უქმნის ქალებს სწორედ ამმხრივ, რომ რეგულარულად ჩაიტარონ კვლევები. “ნიუ ვიჟენ უნივერსიტეტმა” დაიწყო პროექტი, რომელსაც ჰქვია “ქალთა პერსონალიზებული ჯანმრთელობის პროგრამა” და სწორედ პროფილაქტიკური კვლევების კულტურის დანერგვას ემსახურება.
“ევრონიუს ჯორჯიას” ეთერში საუბრობენ: ეკა აზარაშვილი – „ნიუ ვიჟენ უნივერსიტეტის“ კანცლერი და გურანდა მაისურაძე – “ქალთა პერსონალიზებული ჯანმრთელობის პროგრამის” ხელმძღვანელი
