უკრაინის კონტრშეტევას აფასებს ამერიკის ომის კვლევის ინსტიტუტი, რომელიც ყოველდღიურად აქვეყნებს ინფორმაციას მიმდინარე ბრძოლებზე.
ომის ინსტიტუტის ცნობით, უკრაინის შეიარაღებულმა ძალებმა 6 სექტემბრიდან მოყოლებული ხუთ დღეში დაახლოებით 3 000 კვადრატული კილომეტრი გაათავისუფლეს – ეს უფრო მეტია, ვიდრე რუსი ოკუპანტების მიერ ბოლო 3 თვის განმავლობაში დაკავებული ტერიტორია.
ომის ინსტიტუტი უკვე პირდაპირ აცხადებს, რომ უკრაინამ ხარკივის ოლქისთვის ბრძოლა მოიგო და აჩვენებს რუკას, სადაც ჩანს, რომ ხარკოვის ჩრდილო-აღმოსავლეთით უკრაინის არმია რუსეთის სახელმწიფო საზღვრიდან 15-25 კილომეტრის დაშორებით მდებარე პოზიციებზე დგას.
NEW: #Ukraine has decisively won the Battle of #Kharkiv Oblast, @TheStudyofWar can assess, recovering its territory northwest, north, and northeast of the city and ending the Russian ground & artillery threat to Ukraine’s second-largest city. Update 🧵 https://t.co/oz5GXvnbcc
— ISW (@TheStudyofWar) September 11, 2022
კონტრშეტევის ფონზე, რუსეთი მოლაპარაკებებზე ალაპარაკდა, რუსეთის საგარეო საქმეთა მინისტრის სერგეი ლავროვის ცნობით, მოსკოვი არა არის კიევთან მოლაპარაკებების წინააღმდეგი, თუმცა უკრაინაში აცხადებენ, რომ მოლაპარაკებები შესაძლებელია მხოლოდ გამარჯვების შემდეგ და პირობებს თავად უკრაინა წარმოადგენს.
