საქართველოში მუზეუმების საერთაშორისო დღისადმი მიძღვნილი კვირეული მიმდინარეობს, რომელიც მოიცავს სხვადასხვა ღონისძიებას: საჯარო ლექციებს, შემეცნებით-შემოქმედებით ტურებს, საგანმანათლებლო პროგრამებს, კონცერტს.
მუზეუმების საერთაშორისო საბჭოს ინიციატივით, ეს თარიღი 1977 წლიდან ყოველწლიურად აღინიშნება. მისი აღნიშვნის მიზანია საზოგადოების განვითარებაში მუზეუმის როლის გაცნობიერება.
“თბილისის მუზეუმების გაერთიანების” გენერალური დირექტორი, ნინი სანადირაძე საუბრობს “ევრონიუს ჯორჯიას” ეთერში.
