მთავარი ევროპა იტალია ვერონაში ღვინის გამოფენა „ვინიტალია“ მოეწყო

ვერონაში ღვინის გამოფენა „ვინიტალია“ მოეწყო

წელს, პანდემიის დაწყებიდან პირველად, საზოგადოებას შეუძლია დაესწროს ვერონაში გამართულ ღვინის საერთაშორისო გამოფენა „ვინიტალიას“. გამოფენას 4 400 მონაწილე ჰყავს 50 ქვეყნიდან. ღონისძიება 13 აპრილამდე გაგრძელდება.

გამოფენა ისეთივე მასშტაბით ტარდება, როგორც ეს პანდემიამდე იყო. ღონისძიებაში მონაწილეობს 4400 მეწარმე და 700-ზე მეტი მყიდველი 50 ქვეყნიდან. დაგეგმილია 30-ზე მეტი კონფერენცია და 76 სახეობის ღვინის დეგუსტაცია.

ასოციაცია „კოლდირეტის“ კვლევის მიხედვით,  იტალიურმა ღვინომ 2021 წელს ყველა დროის ბრუნვის რეკორდი მოხსნა და თითქმის 13 მილიარდი ევრო შეადგინა, რასაც ხელი შეუწყო ექსპორტის მნიშვნელოვნად გაზრდამ.

იტალიაში ჩამოსხმული ღვინის 70 პროცენტი იტალიური საკვალიფიკაციო სისტემის მიხედვითაა  დამზადებული.

იტალია, რომელიც წელიწადში დაახლოებით 48 მილიონ ჰექტოლიტრს აწარმოებს, მსოფლიო ლიდერია ღვინის წარმოებაში.  მას მოსდევს იტალიის ორი მთავარი კონკურენტი ქვეყანა საერთაშორისო ბაზარზე –  საფრანგეთი და ესპანეთი.

 

უახლესი

სხვა ამბები

Send this to a friend