მიუხედავად იმისა, რომ პროპაგანდისტული არხები „რაშა თუდეი“ და „სპუტნიკი“ ევროპაში დაბლოკილია, მათი წარმომადგენლების მიმართ სანქციები გრძელდება.
ბრიტანეთმა შეზღუდა რუსული პროპაგანდა ქვეყანაში და ამასთან დაუწესა სანქციები კონკრეტულ პირებს, რომლებიც წლების განმავლობაში ავრცელებდნენ პროკრემლისტურ დეზინფორმაციას.
ბრიტანეთთან ერთად, ფაქტობრივად ყველა დასავლურმა ქვეყანამ და სოციალურმა პლატფორმამ რუსულ დეზინფორმაციას ბრძოლა გამოუცხადა, საპასუხოდ კი რუსეთმა კომპანია მეტას ექსტრემისტული უწოდა და რუსეთის მოქალაქეებს მასზე წვდომა ოფიციალურად შეუზღუდა.
შეზღუდვის მიუხედავად, კრემლის ნარატივიი მაინც ვრცელდება. ამ თემასთან დაკავშირებით „ევრონიუს ჯორჯიას” ეთერში რონდელის ფონდის მკვლევარმა გიორგი ბილანიშვილმა ისაუბრა.
