მთავარი ევროპა უკრაინა რუსულმა ჯარმა მარიუპოლის დრამატული თეატრი დაბომბა

რუსულმა ჯარმა მარიუპოლის დრამატული თეატრი დაბომბა

საბრძოლო მოქმედებების დასრულებასთან დაკავშირებული მოლაპარაკებები გრძელდება, თუმცა რუსეთი კვლავ ბომბავს  უკრაინულ ქალაქებს.

კიევში ხუთშაბათს დილით  35-საათიანი კომენდანტის საათი დასრულდა – ამ პერიოდში რამდენიმე საცხოვრებელი სახლი დაიბომბა დედაქალაქის გარეუბანში.

უკრაინის საგარეო საქმეთა მინისტრმა ტვიტერზე გამოაქვეყნა სტატუსი,  რომ ალყაში მოქცეულ მარიუპოლში თეატრის შენობა განადგურდა. ამ ამბავმა მოსახლეობაში დიდი შეშფოთება გამოიწვია.

„შენობას, რომელიც თავშესაფრად გამოიყენებოდა, ორივე მხარეს დიდი თეთრი ასოებით (რუსულად) ეწერა სიტყვა: „ბავშვები“.

მუდმივი დაბომბვის ფონზე გრძელდება სამშვიდობო მოლაპარაკებები, თუმცა გზავნილი არაერთგვაროვანია. თხუთმეტპუნქტიან გეგმას უკრაინამ მხოლოდ “რუსული მხარის პოზიცია” უწოდა. მაგრამ საუბარი იმაზე, რომ უკრაინა „ნეიტრალურ ქვეყნად“ გამოცხადდეს, როგორც ჩანს, გარკვეულ ტენდენციებს იძენს.

“ნეიტრალურ სტატუსს ახლა სერიოზულად განიხილავენ, რა თქმა უნდა, უსაფრთხოების გარანტიებთან ერთად. ეს არის ზუსტად ის, რაც პრეზიდენტმა პუტინმა თქვა თებერვალში ერთ-ერთ პრესკონფერენციაზე.  უკრაინასთან მოლაპარაკების პროცესში არის კონკრეტული საკითხები, რომლებზეც შეიძლება შევთანხმდეთ. უკრაინის ნეიტრალური სტატუსი სერიოზულად განიხილება უკრაინისა და სხვა ქვეყნების უსაფრთხოების გარანტიებთან კავშირში”, – განაცხადა სერგეი ლავროვმა.

ზელენსკი ამბობს, რომ მოლაპარაკებების დროს პრიორიტეტი “ომის დასასრულია”

“მოლაპარაკებები მიმდინარეობს უკრაინის გამო. ჩემი პრიორიტეტები მოლაპარაკებებში ყველასთვის ნათელია. ჩვენ გვსურს ომის დასრულება, უსაფრთხოების გარანტიები, სუვერენიტეტი, ტერიტორიული მთლიანობის აღდგენა.”

მაგრამ სანამ დაბომბვა გრძელდება, რუსეთის საგარეო საქმეთა მინისტრი სერგეი ლავროვი და უკრაინის პრეზიდენტი ვოლოდიმირ ზელენსკი ვარაუდობენ, რომ მოლაპარაკებას შეიძლება შედეგი მოჰყვეს, მიუხედავად სისხლის ღვრისა და ევროკავშირის ზოგიერთი ლიდერის შიშისა, რომ კრემლი თამაშობს კიევთან. „მოლაპარაკება ადვილი არ არის გასაგები მიზეზების გამო“, განუცხადა ლავროვმა RBC News-ს. „მაგრამ, მიუხედავად ამისა, არსებობს კომპრომისის მიღწევის გარკვეული იმედი.“

უახლესი

სხვა ამბები

Send this to a friend