მთავარი გადაცემები კუბი „პუტინს პასუხს მოვთხოვთ" - ავიაიერიში მარიუპოლის ბავშვთა საავადმყოფოზე

„პუტინს პასუხს მოვთხოვთ” – ავიაიერიში მარიუპოლის ბავშვთა საავადმყოფოზე

გაეროს გენერალური მდივანი ანტონიუ გუტერეში გამოეხმაურა ე.წ. დუმილის რეჟიმის დროს ბავშვთა საავადმყოფოზე რუსული საჰაერო ძალების თავდასხმის ამბავს. „ყველზე მეტად მშვიდობიანი მოქალაქეები ისჯებიან ამ ომში, მათ არანაირი კავშირი არ აქვთ ომთან. დაასრულეთ სისხლის ღვრა!“ – განაცხადა ანტონიუ გუტერეშმა.

 

დიდი ბრიტანეთის პრემიერ-მინისტრი ბორის ჯონსონმაც გააკეთა კომენტარი ამ ამბავთან დაკავშირებით. მისი თქმით, დაუცველებს რომ ესხმიან თავს, ამაზე ამორალური ქმედება არ არსებობს. დიდი ბრიტანეთი განიხილავს უკრაინისთვის დამატებით დახმარების საკითხს ცის დაცვასთან დკავშირებით. „ჩვენ მოვთხოვთ პასუხს პუტინს საშინელი დანაშაულის გამო“,- წერს ბორის ჯონსონი.

 

აშშ-ის სახელმწიფო მდივანი ენტონი ბლინკენი მარიუპოლის ამჟამინდელ მდგომარეობას ლენინგრადის ბლოკადას ადარებს. „თითოეულმა რუსმა იცის მეორე მსოფლიო ომის დროს ლენინგრადის ბლოკადის ამბავი. სამწუხაროდ, ისტორია მეორდება, თუმცა ამჟამად რუსეთი მოქმედებს უკრაინის წინააღმდეგ.

 

მარიუპოლი  რომ ყველაზე მეტად დაიბომბა, კომპანია „მაქსარის“ მიერ გადაღებული თანამგზავრული ფოტოებიდან ირკვევა. მარიუპოლის სამოქალაქო ინფრასტრუქტურა სერიოზულად დაზიანდა. ფოტოებზე ჩანს დანგრეული სახლები და მაღაზიები. ეს ფოტოები სამშობიარო სახლზე განხორციელებულ ავიაიერიშამდე არის გადაღებული.

უახლესი

სხვა ამბები

Send this to a friend