საქართველოს რადიო გაერთიანება სოლიდარობას უცხადებს უკრაინაში განვითარებულ მოვლენებს და გმობს ოკუპანტი ქვეყნის სამხედრო აგრესიას უკრაინელი ხალხის წინააღდეგ.
მხარდაჭერის ნიშნად, დღეს, 25 თებერვალს, 12 საათზე ქვეყნის მასშტაბით 40-ზე მეტმა რადიოსადგურმა რადიოეთერით უკრაინის ჰიმნი გაუშვა.
რადიო გაერთიენებამ, ასევე, ინიციატივით მიმართა ევროპელ კოლეგებს, ევროპის რადიო ასოციაციას (AER), რომ საქართველოს რადიოსექტორში დაწყებული უკრანისადმი სოლიდარობის აქტი გაგრძელდეს ევროპის მასშტაბით.
უკრაინისადმი სოლიდარობისა და მხარდაჭერის კონკრეტულ ინიციატივებზე მუშაობა უკვე დაიწყო ევროპის რადიოასოციაციამაც.
„ჩვენ ნამდვილად შოკირებული და დამწუხრებულნი ვართ უკრაინაში განვითარებული მოვლენებით და გვსურს, გულწრფელი სოლიდარობა გამოვუცხადოთ უკრაინელ ხალხს ამ რთულ დროს. ჩვენ უკვე განვიხილავთ კონკრეტულ ინიციატივებს ევროკავშირის მასშტაბით, რამაც შეიძლება მოგვცეს შესაძლებლობა ჩვენ და ჩვენს წევრებს, გამოვხატოთ ჩვენი მხარდაჭერა და შეშფოთება“, – განაცხადა ევროპის რადიოასოციაციის პრეზიდენტმა სტეფან მოლერმა.
