გერმანიის კანცლერმა ოლაფ შოლცმა გაზსადენის, “ჩრდილოეთი ნაკადი 2”-ის სერტიფიცირების პროცესი შეაჩერა.
”უახლესი მოვლენების გათვალისწინებით, ჩვენ უნდა გადავაფასოთ სიტუაცია, განსაკუთრებით „ჩრდილოეთი ნაკადი 2“-თან დაკავშირებით”, – განაცხადა ოლაფ შოლცმა.
მისი თქმით, ეკონომიკის სამინისტროს სთხოვა, გადაედგა ნაბიჯები, რათა ამ მომენტში სერტიფიცირების პროცესი აღარ გაგრძელდეს.
„ეკონომიკის სამინისტროს შესაბამისი დეპარტამენტები შეაფასებენ მიწოდების უსაფრთხოებას, რაც შეიცვალა ბოლო რამდენიმე დღის განმავლობაში“, – განაცხადა გერმანიის კანცლერმა.
შეგახსენებთ, რუსეთის პრეზიდენტმა ვლადიმერ პუტინმა უკრაინის რეგიონების- დონეცკისა და ლუგანსკის ე.წ. დამოუკიდებლობა აღიარა.
