მთავარისაქართველოიუსტიციის მინისტრი - გლდანის ციხეში მიხეილ სააკაშვილმა პერსონალს ფიზიკური შეურაცხყოფა მიაყენა

იუსტიციის მინისტრი – გლდანის ციხეში მიხეილ სააკაშვილმა პერსონალს ფიზიკური შეურაცხყოფა მიაყენა

იუსტიციის მინისტრის განცხადებით, როდესაც პატიმარი სააკაშვილი №18 დაწესებულებაში  შესახლდა, მან როგორც ფიზიკური, ისე სიტყვიერი შეურაცხყოფა მიაყენა პენიტენციური დაწესებულების თანამშრომლებს.

 „როდესაც მიხეილ სააკაშვილი შესახლდა №18 დაწესებულებაში, მან, სამწუხაროდ, მიაყენა როგორც ფიზიკური, ისე სიტყვიერი შეურაცხყოფა ჩვენს თანამშრომლებს. აქვე გეტყვით, რომ ეს არიან ის თანამშრომლები, რომლებიც 24 საათის განმავლობაში ზრუნავენ ამ ქვეყნის უსაფრთხოებაზე და თითოეული პატიმრის უფლების დაცვაზე და ჩვენ ვერავის მივცემთ მათი შეურაცხყოფის უფლებას”, – განაცხადა რატი ბეგაძემ ტელეკომპანია „იმედის” პირდაპირ ეთერში.

იუსტიციის მინისტრის განცხადებით, აღნიშნულ ფაქტს გენერალური ინსპექცია სწავლობს და მას შესაბამისი სამართლებრივი რეაგირება მოჰყვება.

უახლესი

სხვა ამბები

spot_imgspot_img
Send this to a friend