დღეს, 1 ივნისს, NATO-ს წევრი სახელმწიფოების საგარეო საქმეთა და თავდაცვის მინისტრების შეხვედრა იმართება.
მინისტრები ბელარუსსა და უკრაინაში მიმდინარე მოვლენებსა და ავღანეთის მომავალზე ისაუბრებენ.
დღევანდელი შეკრების კიდევ ერთი მნიშვნელოვანი მიზანი 14 ივნისს ბრიუსელში, NATO-ს შტაბ- ბინაში ჩრდილო-ატლანტიკური ორგანიზაციის რიგით 31 – ე სამიტის მომზადება იქნება.
ივნისში დაგეგმილი NATO-ს სამიტის ფარგლებში განსახილველი საკითხები კი იქნება:
NATO 2030 – ის დღის წესრიგი;
რუსეთის ფედერაციის აგრესიული საგარეო პოლიტიკა;
ტერორიზმის საფრთხე;
კიბერუსაფრთხოება;
კლიმატის ცვლილებები;
ჩინეთის სახალხო რესპუბლიკის აღზევება;
რუსეთის ფედერაციის თავდაცვის მინისტრი კი მისი სახელმწიფოს დასავლეთ სამხედრო ოლქში დამატებით 20 სამხედრო შენაერთის შექმნის გადაწყვეტილების შესახებ საუბრობს.
რუსი სამხედროს განცხადებით დასავლეთის სამხედრო ოლქმა უკვე შეუკვეთა შეიარაღების 2000 – მდე ახალი ერთეული.
NATO-ს მომავალ სამიტთან დაკავშირებით სასაუბროდ ჩვენ დღეს მოვიწვიეთ, შავი ზღვის საერთაშორისო უნივერსიტეტის პროფესორი, ნიკა ჩიტაძე.
პროფესორთან NATO-ს სამიტთან დაკავშირებით თბილისისა და კიევის შესაძლო მოლოდინებზე და სამიტზე ორი ქვეყნის არმიწვევის შესახებ ვისაუბრეთ.
[br]NATO-ს მომავალი სამიტი ასევე მნიშვნელოვანია იმ თვალსაზრისით, რომ ეს იქნება ამერიკის შეერთებული შტატების ახალი პრეზიდენტის, ჯო ბაიდენის, პირველი სამიტი და შესაბამისად ტრამპის ადმინისტრაციის პირობებში, NATO-სა და ამერიკის შეერთებულ შტატებს შორის გაფუჭებული ურთიერთობების გამოსწორების შესაძლებლობა.
კრიზისია რუსეთის ფედერაციის დასავლეთ საზღვრებზე, უკრაინასა და ბელარუსში შესაბამისად NATO-ს მომავალ სამიტთან დაკავშირებით დიდი მოლოდინებია.
საერთაშორისო ამბების მიმოხილველი ლეო სიხარულიძე
