პანდემიამ ამერიკის კინოაკადემიის დაჯილდოება რამდენიმე თვით გადაავადა. თუმცა ოსკარის დაჯილდოების ცერემონია 25 აპრილს ლოს-ანჯელესში გაიმართება.
ფილმი ,,მანკი’’ ოსკარის 10 ნომინაციაზეა წარდგენილი, მათ შორის საუკეთესო ფილმის ნომინაციზე. ოსკარზე ასევე წარდგენილნი არიან: დევიდ ფინჩერი, როგორც საუკეთესო რეჟისორი, გარი ოლდმანი, როგორც საუკეთესო მსახიობი მამაკაცი და ამანდა სეიფრიდი, როგორც საუკეთესო მეორეხარისხოვანი როლის შემსრულებელი ქალი მსახიობი.
ფილმი ,,მეტალის ხმა’’ წარდგენილია 6 ნომინაციაზე, ერთ-ერთი ნომინაცია- საუკეთესო ფილმი. ასევე, ოსკარზე წარდგენილნი არიან რიზ აჰმედი, როგორც საუკეთესო მსახიობი მამაკაცი და პოლ რაჩი, როგორც საუკეთესო მეორეხარისხოვანი როლის შემსრულებელი მამაკაცი.
ფილმი ,,მამა’’ ასევე 6 ნომინაციაზე იქნება წარდგენილი: როგორც საუკეთესო ფილმი. მსახიობებიდან კი ენტონი ჰოპკინსი, როგორც საუკეთესო მსახიობი და ოლივია კოლმანი როგორც საუკეთესო მეორეხარისხოვანი როლის შემსრულებელი მსახიობი ქალი.
ფილმი ,,იუდა და შავი მესია’’ ასევე 6 ნომინაციაზე იქნება წარდგენილი: მათ შორისაა როგორც საუკეთესო ფილმი და ლაკიტ სტენფილდი და დანიელ კალუია წარდგენილნი არიან, როგორც საუკეთესო მეორეხარისხოვანი როლის შემსრულებელი მსახიობი მამაკაცები.
დაბალბიუჯეტიანი, 2 მილიონ დოლარად გადაღებული ფილმი ,,მინარი’’, რომლის რეჟისორიც გახლავთ ლი ისააკ ჩანგი, ასევე 6 ნომინაციაზე არის წარდგენილი, მათ შორისაა როგორც საუკეთესო ფილმისა და საუკეთესო რეჟისორის კატეგორია.
ასევე, ოსკარის ნომინაციაზე წარდგენილნი არიან სტივენ იუნი, როგორც საუკეთესო მსახიობი მამაკაცი და იუნ იუ-ჯუნგი, როგორც საუკეთესო მეორეხარისხოვანი როლის შემსრულებელი მსახიობი ქალი.
ფილმი ,,მომთაბარე მიწა’’, რომლის რეჟისორიც არის ქლო ჟაო, ასევე 6 ნომინაციაზე იქნება წარდგენილი, მათ შორისაა საუკეთესო ფილმისა და საუკეთესო რეჟისორის ნომინაციები. ფრენსის მაკდორმანდი კი წარდგენილია, როგორც საუკეთესო მსახიობი ქალი.
ფილმი ,,ჩიკაგოს შვიდეულის სასამართლო ’’ ასევე 6 ნომინაციაზე იქნება წარდგენილი, მათ შორისაა საუკეთესო ფილმი. ასევე წარდგენილია საშა ბარონ კოენი, როგორც საუკეთესო მეორეხარისხოვანი მამაკაცი მსახიობი.