მთავარი გადაცემები კუბი Johnson&Johnson ევროპაში ვაქცინაციას გადაავადებს

Johnson&Johnson ევროპაში ვაქცინაციას გადაავადებს

კომპანია „Johnson & Johnson“-ის განცხადება – ში ნათქვამია, რომ  სისხლის შედედების უკიდურესად იშვიათი შემთხვევების გამო ევროპაში ვაქცინის გამოყენების თარიღს გადაავადებენ.

მიუხედავად იმისა, რომ ევროპის წამლის სააგენტომ „Johnson & Johnson“-ის გამოყენების ნებართვა 11 მარტს გასცა, ვაქცინაცია ჯერჯერობით არ დაწყებულა.


„Johnson & Johnson“- მა  ვაქცინის დროებით შეჩერების გადაწყვეტილება მას შემდეგ მიიღო, რაც ამერიკის შეერთებული შტატების დაავადებათა კონტროლის სააგენტომ გაავრცელა ინფორმაცია რამდენიმე აცრილ ადამიანში სისხლის შედედების განვითარებაზე.

ამერიკის წამლისა და საკვების სააგენტოს მიერ გამოქვეყნებულ ტვიტში ვკითხულობთ, რომ სისხლის შედედების 6 შემთხვევას იკვლევენ.

12 აპრილის მონაცემებით, აშშ-ში „Johnson & Johnson”-ის ვაქცინის 6,8 მილიონ დოზაზე მეტი იყო გაკეთებული.

„ამჟამად ამ ტიპის გართულებები უკიდურესად იშვიათია“, — ვკითხულობთ ტვიტში.

„Johnson & Johnson”-ის  ვაქცინა „AstraZeneca“-ს  მსგავსია.

ევროპის წამლის სააგენტომ 7 აპრილს გაავრცელა განცხადება, რომ თრომბის წარმოქმნა შესაძლოა  „AstraZeneca“-ს ვაქცინას უკავშირდებოდეს, თუმცა სააგენტოში ასევე ამბობენ, რომ ვაქცინა სიკვდილისა და ჰოსპიტალიზაციის რისკს ამცირებს და მისი სარგებელი შესაძლო რისკებს გადაწონის.

უახლესი

სხვა ამბები

Johnson&JohnsonJohnson&Johnson