ევროკომისიამ ციფრული მწვანე სერტიფიკატების დანერგვის წინადადება წარადგინა. „მწვანე საშვებმა“ კორონავირუსის პანდემიის დროს ევროკავშირის ქვეყნებს შორის მოქალაქეების თავისუფალ გადაადგილებას უნდა შეუწყოს ხელი.
სერტიფიკატი კორონავირუსის ვაქცინაციის, ტესტის უარყოფითი პასუხის ან დაავადების გადატანის დამადასტურებელი მოწმობა იქნება. ის იარსებებს როგორც ფიზიკურ, ასევე ციფრულ ფორმატში.
We are proposing to create a Digital Green Certificate to facilitate safe free movement inside the EU during the pandemic.
The certificate will:
✅ Be accessible and secure for all EU citizens
✅ Be non-discriminatory
✅ Contain only essential information#StrongerTogether— European Commission 🇪🇺 (@EU_Commission) March 17, 2021
ევროკომისიის განცხადებაში ნათქვამია, რომ ქვეყნები, რომლებიც ვაქცინაციის დამადასტურებელი მოწმობის სანაცვლოდ მოგზაურებს ქვეყანაში შესვლას უმარტივებენ, ვალდებულები იქნებიან, რომ „მწვანე საშვის“ წარდგენისას ანალოგიურად მოიქცნენ, თუმცა ეს ვალდებულება მათ მხოლოდ ევროპის წამლის სააგენტოს მიერ დამტკიცებული ვაქცინების სერტიფიკატის წარდგენის შემთხევაში აქვთ.
ევროკომისიამ განმარტა, რომ ევროკავშირის წევრ ქვეყნებს ინდივიდუალურად შეეძლებათ გადაწყვიტონ მათთვის მისაღებია თუ არა იმ ვაქცინის სერტიფიკატი, რომელიც ევროპის წამლის სააგენტოს არ დაუმტკიცებია.
„მწვანე სერტიფიკატების“ ძალაში შესვლამდე წინადადება ევროპარლამენტმა და ევროპულმა საბჭომ უნდა დაამტკიცოს.