ჩიპების მწარმოებელი უმსხვილესი ამერიკული კომპანიის Nvidia-ს ღირებულება ბაზარზე, ერთ დღეში დაახლოებით 600 მილიარდი დოლარით შემცირდა და მისი აქციები 17%-ით გაუფასურდა.
მიზეზი ჩინური სტარტაპის DeepSeek-ის მიერ წარდგენილი ხელოვნური ინტელექტის მოდელი R1 გახდა, რომელმაც გასულ უქმეებზე ჩამოტვირთვების რეიტინგში მანამდე ყველაზე პოპულარულ ჩატბოტს ChatGPT-ის გაუსწრო. ექსპერტების თქმით, ჩიპები, რომელზეც ჩინური მოდელი მუშაობს გაცილებით იაფია და ამერიკული ჩატბოტის მსგავსად მუშაობს.
აშშ-ის პრეზიდენტმა დონალდ ტრამპმა განაცხადა, რომ ეს უნდა იყოს “გამოფხიზლების ნიშანი”, იმისათვის, რომ კონცენტრაცია იყოს კონკურენციაზე და ხელოვნური ინტელექტის ინდუსტრიაში გამარჯვება ამერიკის შეერთებულმა შტატებმა მოიპოვოს.