ნატოს გენერალურ მდივანს, მარკ რუტეს სურს, ნატოს წევრმა ქვეყნებმა თავდაცვის ხარჯები გაზარდონ და მშპ-ის 2%-ზე მეტი დახარჯონ.
გუშინ, 12 დეკემბერს მან მიმართა წევრი ქვეყნების მოქალაქეებს, ამ მიზნის შესრულებისკენ მთავრობებსაც მოუწოდონ და თავადაც წავიდნენ გარკვეულ დათმობებზე.
„პოლიტიკოსებმა თქვენს ხმას უნდა მოუსმინონ. გააგებინეთ, რომ თანახმა ხართ, გაიღოთ დღეს მსხვერპლი იმისთვის, რომ ხვალ უსაფრთხოდ ვიყოთ. უთხარით, რომ მათ თავდაცვაზე მეტი უნდა დახარჯონ, რათა ჩვენ ცხოვრება მშვიდად გავაგრძელოთ“, – ამბობს მარკ რუტე.
If #NATO Allies don’t spend more together now to prevent war, we will pay a much, much, much higher price later to fight it.
Not billions, but trillions of euros.
That’s if we come out on top…and that’s if we win. pic.twitter.com/UyIFEZAMfY
— Mark Rutte (@SecGenNATO) December 12, 2024
მარკ რუტეს აზრით, თავდაცვის ხარჯები პენსიის, ჯანდაცვისა და უსაფრთხოებისთვის გამოყოფილი თანხის შემცირების ხარჯზე უნდა გაიზარდოს.
„თუ ახალი ომის თავიდან ასაცილებლად უფრო მეტს არ დავხარჯავთ, მოგვიანებით ბევრად, ბევრად უფრო მაღალ ფასს გადავიხდით. არა მილიარდებს, არამედ ტრილიონებს“, – ამბობს მარკ რუტე.
მარკ რუტეს მტკიცებით, ნატო ცივი ომის ან უფრო დიდი საფრთხის წინაშე დგას.
