ევროკავშირის უმაღლესი წარმომადგენელი საგარეო საქმეთა და უსაფრთხოების სფეროში, ჯოზეფ ბორელი ამბობს, რომ ისრაელსა და ლიბანის „ჰეზბოლას“ შორის დაპირისპირება შესაძლოა ფართომასშტაბიან ომში გადაიზარდოს. მანვე აღნიშნა, რომ მშვიდობის მიღწევისკენ გზა იწყება ღაზაში ცეცხლის შეწყვეტით.
„უნდა ითქვას, რომ მოვლენები ყველაზე ცუდი სცენარით ვითარდება. ყველაზე ცუდი მოლოდინები რეალობად იქცევა და ამიტომ ჩვენ გვჭირდება მშვიდობა ახლო აღმოსავლეთში, რადგან მიმდინარე კონფლიქტი სერიოზული საფრთხეა მთელი რეგიონისთვის“, – ამბობს ჯოზეფ ბორელი.
ბორელმა ისაუბრა რუსეთ-უკრაინის ომზეც და შეშფოთება გამოთქვა იმის შესახებ, რომ რუსეთი ზამთრის დადგომამდე უკრაინის ენერგო ინფრასტრუქტურის განადგურებას შეეცდება.
Russia continues targeting Ukraine’s energy system with ruthless attacks.
Winter is approaching, there is no time for complacency.
I reiterated at a G7+ meeting with @andrii_sybiha that the EU just signed a grant agreement topping up the Ukraine Energy Support Fund with €96M https://t.co/4UhvTY4NLw pic.twitter.com/Tmm6CZfUfv
— Josep Borrell Fontelles (@JosepBorrellF) September 23, 2024
„უკრაინის მხარდასაჭერად ევროკომისიაში წინანადება წამოვაყენეთ, რათა 35 მილიარდი ევრო მხოლოდ უკრაინის სამხედრო-ეკონომიკური მხარდაჭერისთვის შეგვეგროვებინა და ეს მხარდაჭერა უნდა მოხდეს ერთდროულად, რადგან არ აქვს აზრი დღეს ელექტროენერგიის გენერატორის მიწოდებას, თუ ის ხვალ უნდა განადგურდეს“, – აცხადებს ჯოზეფ ბორელი.
ბორელმა მოიწონა უკრაინის მიერ რუსეთის სიღრმეში არსებული საბრძოლო მარაგების წარმატებით განადგურება და აღნიშნა, რომ G7-ის სამიტზე ისინი განიხილავენ უკრაინის მიერ შორ მანძილზე მოქმედი რაკეტების გამოყენების შესაძლებლობას.
