„ჰეზბოლამ“, კვირას გამთენიისას ისრაელის მიმართულებით ასობით რაკეტა და დრონი გაუშვა. ხოლო ისრაელელი სამხედროები აცხადებენ, რომ სამხრეთ ლიბანის ტერიტორიაზე მასშტაბური ავიადარტყმა განახორციელეს.
„ჰეზბოლას“ წევრები ამბობენ, რომ მათი თავდასხმა ისრაელზე, დაჯგუფების ერთ-ერთი მეთაურის მკვლელების საპასუხოდ განხორციელდა.
კვირას ღამით ისრაელელმა სამხედროებმა ჟურნალისტები ლიბანის საზღვართან ახლოს ერთ-ერთ ქათმის ფერმასთან მიიყვანეს, სადაც რაკეტების ნაწილი ჩამოვარდა. ჩრდილოეთ ისრაელში მდებარე ქათმის ფერმის ერთი ნაწილის კედელი დაზიანდა, ხოლო მეორე ნაწილის სახურავი მთლიანად განადგურდა.
WATCH how the IAF acted precisely today to stop a large-scale terrorist attack from Hezbollah.
Our operation in Lebanon targeted the terrorist infrastructure Hezbollah planned to use against us, protecting Israeli families and homes. pic.twitter.com/2J3sqAnFWB
— Israel Defense Forces (@IDF) August 25, 2024
გავრცელებული ცნობებით, ლიბანში ავიადარტყმებს სამი ადამიანის სიცოცხლე ემსხვერპლა, ხოლო ისრაელში დაღუპულთა შესახებ ინფორმაცია არ გავრცელებულა.
ორივე მხარე აცხადებს, რომ მათი სამიზნე სამხედრო ობიექტებია. ისრაელის პრემიერი ბენიამინ ნეთანიაჰუ დასძენს, რომ სამხედროებს მიეცათ მითითება, რომ პროაქტიულად მოხნან „ჰეზბოლასგან“ მომდინარე საფრთხეები.
ქვეყნის პრემიერმა განაცხადა, რომ სამხედროებმა ათასობით რაკეტა გაანეიტრალეს, რომელიც ჩრდილოეთ ისრაელისკენ იყო დამიზნებული და ასევე გაანადგურეს დრონები, რომლებიც ქვეყნის ცენტრალური ნაწილისკენ მიფრინავდნენ.
Prime Minister Benjamin Netanyahu at the Start of the Government Meeting today:
"Nasrallah in Beirut and Khamenei in Tehran need to know that this is an additional step in changing the situation in the north."
Full remarks >>https://t.co/xGMYplQAvO pic.twitter.com/DhOXybFbeS
— Prime Minister of Israel (@IsraeliPM) August 25, 2024
მოვლენათა უკანასკნელმა ესკალაციამ ფართომასშტაბიანი რეგიონული ომის საფრთხე გაზარდა, იმ დროს, როდესაც ეგვიპტეში ცეცხლის შეწყვეტასთან დაკავშირებული მოლაპარაკებების მორიგი რაუნდი იმართება.
თეთრი სახლის ეროვნული უსაფრთხოების მრჩეველი ჯეიკ სალივანი აცხადებს, რომ შეერთებული შტატები და მოკავშირეები მუშაობენ, ახლო აღმოსავლეთში რეგიონული კონფლიქტის თავიდან ასაცილებლად.
შეერთებული შტატების ეროვნული უსაფრთხოების მრჩეველი ჯეიკ სალივანი აცხადებს, რომ აშშ-ში შვიდი ოქტომბრიდან მოყოლებული ღელევენ და შეშფოთებულები არიან, რომ კონფლიქტი რეგიონულ ომში არ გადაიზარდოს.
ორივე მხარის მიერ თავდასხმები იმ დროს მოხდა, როდესაც ეგვიპტეში განახლდა მოლაპარაკეკები ისრაელსა და „ჰამასს“ შორის ცეცხლის შეწყვეტასთან დაკავშორებით.
