ამერიკის შეერთებული შტატების ვიცე-პრეზიდენტი და ახლა უკვე დიდი ალბათობით პრეზიდენტობის კანდიდატი კამალა ჰარისი 2 პროცენტით უსწრებს დონალდ ტრამპს – ეს იფსოსისა და როიტერსის ერთობლივი კვლევის შედეგია.
ამ კვლევის თანახმად, კამალა ჰარისს აქვს 44%, ხოლო ტრამპს 42%.
ახალი გამოკითხვა მას შემდეგ ჩატარდა, რაც ჯო ბაიდენმა საპრეზიდენტო რბოლა დატოვა, ხოლო დონალდ ტრამპმა ოფიციალურად მიიღო საპრეზიდენტო კანდიდატის სტატუსი.
კამალა ჰარისი ამბობს, რომ როგორც პროკურორს უამრავ კრიმინალთან ჰქონდა შეხება – მტაცებლებთან, მოძალადეებთან, გაიძვერებთან და დასძინა, რომ კარგად იცნობს ისეთ ადამიანებს, როგორიც ტრამპიაhttps://t.co/jTQY0B4bbX
— Euronews Georgia (@EuronewsGeorgia) July 23, 2024
კვლევები ეროვნული მასშტაბით ტარდებოდა იქამდეც, სანამ ბაიდენი გადაწყვეტდა აღარ მიეღო არჩევნებში მონაწილეობა.
მაგალითად, იფოსისა და ეიბისი ნიუსის გამოკითხვის თანახმად, რომელიც 5 ივლისიდან 9 ივლისის ჩათვლით გაიმართა, ჰარისი ასევე ორი პროცენტით უსწრებდა დონალდ ტრამპს.
ერთი პროცენტი იყო სხვაობა ამავე ორგანიზაციის მიერ ჩატარებულ კვლევაში, რომელიც 2 ივლისიდან 6 ივლისის ჩათვლით ჩატარდა.
