მაღალი რანგის დემოკრატი ლიდერები პრეზიდენტ ჯო ბაიდენს უბიძგებენ, გადახედოს მის გადაწყვეტილებას არჩევნებში მონაწილეობის შესახებ.
ყოფილმა პრეზიდენტმა ბარაკ ობამამ პირადად უთხრა კოლეგებს, რომ ბაიდენმა უნდა განიხილოს თავისი კამპანიის სიცოცხლისუნარიანობა.
იმავე აზრზეა წარმომადგენელთა პალატის ყოფილი სპიკერი ნენსი პელოსი, რომელმაც უთხრა ბაიდენს, რომ პარტიამ შესაძლოა, დაკარგოს პალატის კონტროლის შესაძლებლობა, თუ ის არ ჩამოშორდება 2024 წლის რბოლას.
ბაიდენის ასაკთან დაკავშირებით შეშფოთება ადრეც იყო, მაგრამ შიშები კიდევ უფრო გამძაფრდა მას შემდეგ, რაც საპრეზიდენტო დებატებში პრეზიდენტმა ძალიან ცუდად წამოაჩინა თავი.
მოგვიანებით ბაიდენმა აღიარა, რომ ის ნელა და დაბრკოლებებით საუბრობდა, თუმცა ეს მოგზაურობის შემდეგ დაღლილობას დააბრალა.
ზოგიერთი დემოკრატი იმედოვნებს, რომ ბაიდენი, რომელსაც ხუთშაბათს COVID-19 დაუდასტურდა, უახლოეს დღეებში კიდევ ერთხელ გადახედავს მის გადაწყვეტილებას.
თავად ბაიდენს არაერთხელ უთქვამს, რომ უკან არ დაიხევს და რომ ის არის კანდიდატი, რომელმაც ტრამპს ადრეც აჯობა და ახლაც იმავეს გააკეთებს.
გავრცელებული ცნობებით, დემოკრატები სერიოზულად ემზადებიან, რომ მალე ჯო ბაიდენი ვიცე-პრეზიდენტით, კამალა ჰარისთ ჩაანაცვლონ. შიდა წრეებში კი ამბობენ, რომ ეს შაბათ-კვირა გადამწყვეტი იქნება მოქმედი პრეზიდენტის გადაწყვეტილების შესაცვლელად.
