უკრაინის სამხრეთის ქალაქ ზაპორიჟიაში პირველი მიწისქვეშა სკოლის მშენებლობა მიმდინარეობს. ბავშვებს გაკვეთილებზე დასწრება შემოდგომიდან შეეძლებათ.
სკოლა, რომელიც 500 მოსწავლეზეა გათვლილი, მიწისქვეშ თითქმის შვიდი მეტრის სიღრმეზე შენდება და დაცული იქნება საბრძოლო მოქმედებების შედეგებისგან. ამავდროულად, 88-ე სკოლაში რადიაციისგან დამცავი თავშესაფრის მშენებლობა დაიწყო. ეს შენობა მოქალაქეებისთვის კიდევ ერთი უსაფრთხო ადგილი იქნება.
88-ე სკოლის დირექტორი ლუდმილა ზლატოვას თქმით, ეს არის ერთადერთი სკოლა ამ უბანში. სხვა ალტერნატივა არ არსებობს, ამიტომ აირჩიეს მათი სკოლა. თუმცა თავშესაფრის მშენებლობამ აზრთა სხვადასხვაობა გამოიწვია.

მშობელთა ნაწილს ვერ გადაუწყვეტია, გაუშვას თუ არა ომის დროს შვილები სკოლაში, თუმცა სხვები ფიქრობენ, რომ ბავშვებისთვის მნიშვნელოვანია იმის განცდა, რომ მათაც შეუძლიათ ჩვეულ რეჟიმში ცხოვრება.
ერთ-ერთი მოსწავლის დედა ლიუბოვ პაშინა ამბობს, რომ მშობლებსაც და ბავშვებსაც ძალიან გაუხარდათ, რადგან ბავშვებს, მოენატრათ უშუალო ურთიერთობები. მშობლები განიცდიან ბავშვების მდგომარეობას, მათი მხედველობა სულ უფრო უარესდება, რადგან გამუდმებით კომპიუტერთან ან ლეპტოპთან სხედან.
Human right watch-ის მიერ გასულ თვეს გამოქვეყნებულ ანგარიშში ნათქვამია, რომ რუსეთის უკრაინაში შეჭრამ ქვეყნის განათლების სისტემას დიდი ზიანი მიაყენა. უკრაინის განათლების მინისტრის მოადგილემ თებერვალში განაცხადა, რომ ყოველი მეშვიდე სკოლა დაზიანებულია.
NEW: Russian authorities are imposing the Russian curriculum and Kremlin propaganda in Ukrainian schools in occupied areas, violating the laws of armed conflict.
Russia should cease all measures to Russify Ukraine’s education system. https://t.co/LDpRs7bQdo pic.twitter.com/fBFtZ9H8nN
— Human Rights Watch (@hrw) June 20, 2024
ნაწილობრივ დანგრეულია 3500 საგანმანათლებლო დაწესებულება, ხოლო 400 სრულადაა განადგურებული.
განათლების მინისტრის თქმით, საგანმანათლებლო ინფრასტრუქტურაზე თავდასხმებით ირღვევა ბავშვების უფლება, მიიღონ განათლება. იერიშები უარყოფითად მოქმედებს სოციალურ ინტეგრაციაზეც.
მსოფლიო ბანკის მიერ თებერვალში გამოქვეყნებული ანგარიშის მიხედვით, მომდევნო ათი წლის განმავლობაში უკრაინის აღდგენით სამუშაოებს 378 მილიარდი ევრო დასჭირდება.