მოსკოვის გარეუბანში მდებარე საკონცერტო დარბაზში მომხდარ ტერორისტულ აქტზე სამართლებრივი პროცესი დაიწყო.
სულ მცირე 137 ქალის, კაცისა და არასრუწლოვანის მკვლელობაში ბრალდებული 30 წლის დალერდჟონ მირზოევი, 32 წლის საიდაკრამ რაჩაბალიზოდა, 25 წლის შამსიდი ფარიდუნი და 19 წლის მუკჰამადსობირ ფაიზოვი სასამართლო პროცესზე ნაცემი მიიყვანეს. ერთ-ერთი მათგანის მიერ დაკავებისას მიცემული ჩვენების თანახმად, მათ მშვიდობიანი მოქალაქეები დაახლოებით 5 ათასი დოლარის სანაცვლოდ დახოცეს.
სამართალდამცველებმა ტერორიზმში ეჭვმიტანილები რამდენიმე საათში დააკავეს, საერთო ჯამში 11 ადამიანია დაჭერილი. ტერორისტულ იერიშზე პასუხისმგებლობა ისლამური სახელმწიფოს ერთ-ერთმა დანაყოფმა აიღო, მაგრამ კრემლში აცხადებენ, რომ ეჭვმიტანილები უკრაინისკენ გადაადგილდებოდნენ, ამას კი კიევში უარყოფენ.
რუსეთის ფედერაციის ტერიტორიაზე გლოვაა გამოცხადებული.
„ტერორიზმს ეროვნება არ გააჩნია. იმედი მაქვს, რომ ყველა დამნაშავე დაისჯება, ყველა არამზადა, რომელიც ამ საქმეში გარეულია, უნდა გასამართლდეს და ყველაზე მძიმე სასჯელი მიესაჯოს“, – ამბობს თიმურ იუნუსოვი, მომღერალი.
დაშავებულთა და დაკარგულთა ოჯახის წევრები ახალ ინფორმაციას ელიან.
