რუსეთმა შუაღამითა და გამთენიისას სარაკეტო იერიში მიიტანა უკრაინის რამდენიმე რეგიონზე, მათ შორის უკრაინის დედაქალაქ კიევზე, სიდიდით მეორე ქალაქ ხარკივსა და ასევე პავლოჰრადზე.
შეერთებულ შტატებს უკრაინის დასახმარებლად კონგრესისგან თანხა აღარ აქვს და ვეღარ აგზავნის იმ საბრძოლო მასალასა და შეიარაღებას, რომელიც კიევს რუსეთის მოსაგერიებლად სჭირდება.
პენტაგონის სპიკერი გენერალ-მაიორი პეტ რეიდერი ამბობს, რომ დაფინანსების ნაკლებობამ აიძულათ, შეჩერებულიყვნენ და მარაგიდან აეღოთ დამატებითი ინვენტარი. ამან კი შეიძლება უარყოფითად იმოქმედოს მათ სამხედრო შესაძლებლობებზე. ამიტომ ვეღარ აკმაყოფილებენ უკრაინის მოთხოვნებს და ვეღარ აგზავნიან საარტილერიო ჭურვებს, ტანკსაწინააღმდეგო შეიარაღებასა და საჰაერო თავდაცვის სისტემებს.
უკრაინის შეიარაღებულ ძალებში აცხადებენ, რომ რუსულმა ძალებმა გუშინ 41 რაკეტა გაუშვეს მთელი ქვეყნის მიმართულებით, რომელთაგან 21 უკრაინის საჰაერო თავდაცვის სისტემებმა გაანეიტრალეს.
